विजया दशमी २०८२ को पावन अवसरमा कुवेतवासी समस्त नेपाली दाजुभाई तथा दिदीबहिनीहरू सहित स्वदेश तथा विदेशमा रहनुहुने सम्पूर्ण हिन्दू धर्मावलम्बीहरूलाई गैर-आवासीय नेपाली संघ (NRNA) राष्ट्रिय समन्वय परिषद्, कुवेतको तर्फबाट वडा दशैं २०८२ को हार्दिक मंगलमय शुभकामना व्यक्त गर्दछौं।
सत्यको असत्यमाथिको विजय, धर्मको अधर्ममाथिको विजय र शक्तिको दुर्शक्तिमाथिको विजयको प्रतीक विजया दशमीको यो पावन पर्वले हामी सबैको जीवनमा सुख, समृद्धि, शान्ति र उन्नतिको नयाँ उर्जा प्रदान गरोस्।
यस पावन पर्वको अवसरमा आ-आफ्नो परिवार, समाज र राष्ट्रको उत्थानका लागि सकारात्मक संकल्पका साथ अघि बढौं। कुवेतमा रहनुभएका सम्पूर्ण नेपाली समुदायको एकता, सद्भाव र सहयोगको भावना अझ सुदृढ होस् भन्ने कामना गर्दछौं।
देवी दुर्गा भवानीको कृपाले सबैको जीवन खुशी, स्वास्थ्य र समृद्धिले भरिपूर्ण रहोस्।
गैर-आवासीय नेपाली संघ (NRNA)
राष्ट्रिय समन्वय परिषद्, कुवेत
विजया दशमी २०८२
