हार्दिक धन्यवाद
आदरणीय कुवेतवासी श्रमजिवी दाजुभाइ तथा दिदिबहिनिहरु, हिजो गैर आवासीय नेपाली संघ (NRNA) राष्ट्रिय समन्वय परिषद (NCC) कुवेतको आठौं राष्ट्रीय महाधिवेशन कुवेत सिटि स्थित HOTEL INN&GO मा सभ्य र भव्य रुपमा सम्पन्न भएको छ । राष्ट्रीय महाधिवेशनबाट नयाँ जोश, नयाँ जाँगरका साथ नयाँ कार्यसमिती चयन भएको छ । उक्त नयाँ कार्य समितिमा विभिन्न पदहरुमा नयाँ जोश र जाँगरले भरिएका युवाहरुको पनि आगमन भएका छन । निर्वाचित सबै नयाँ युवाहरुलाइ गैर आवासीय नेपाली संघ कुवेत हार्दिक स्वागत गर्दछ । साथै उक्त महाधिवेशन सफल बनाउन अहोरात्र खट्नुहुने संरक्षक ज्युहरु, निर्वाचन समिती, पत्रकार बन्धुहरु, विभिन्न संघ संस्थाहरु एवं विभिन्न अग्रज तथा बुद्धिजीवी व्यक्तित्वहरुलाइ हार्दिक धन्यवाद एवं आभार ब्यक्त गर्दछौँ । अझ हाम्रो निमन्त्रणालाई स्वीकार गर्दै कतारबाट पाल्नुहुने अन्तर्राष्ट्रिय परिषदका उपाध्यक्ष राजेन्द्र कुमार शर्मा ज्यु, युवा उपाध्यक्ष राजु रेग्मी ज्यु, सचिव प्रविन गुरुङ ज्यु र नेपालबाट पाल्नुहुने मध्यपुर्व उप-स्कंयोजक अमित राई ज्यु, ICC सदस्य द्वय हरि लावती र माधव पौडेल यहाँहरु सबैलाइ आभार एवं कृतज्ञता प्रकट गर्दछौं । त्यस्तै निक्कै व्यस्तताको वावजुद पनि हाम्रो निमन्त्रणालाई सहर्ष स्वीकार गर्दै नेपाली दूतावासबाट प्रमुख अतिथिको रुपमा पाल्नुहुने कार्यवाहक महामहिम राजदूत सुजनी राणा र तृतीय सचिव रेबन्त केसि प्रती पनि हार्दिक धन्यवाद ज्ञापन गर्दछौं । यहाँहरुको साथ, सहयोग, माया, आशीर्वाद र समर्थन समन्वय सबै सधैं पाइरहनेमा आशावादी छौँ । हिजो बनेको नयाँ कार्य समितिले हिजो भन्दा अझ राम्रो कार्यहरु सम्पादन गर्ने कुरा यहाँहरुलाइ प्रतिबद्धता स्वरुप जाहेर गर्दै पुन: यहाँहरु सबैलाइ हार्दिक धन्यवाद ज्ञापन गर्दछौं ।
महासचिव: मनिष केसि अध्यक्ष : रणध्वोज लामा
